مختارات لحامد زيد

موضوع: مختارات لحامد زيد 01.09.08 12:21

السفينه

يوم قلبي ما عصاك , و ما قدرتي تذبحينه
ليه خنتي فيه و انتي من نفس الديانه ؟
كان ذبحي بيدك ارحم .. من اللي تفعلينه
و ان طلبتك تذبحيني ما ذبحتيني لعانة
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه !!
و الا انا ما كنت ابيها توصل لحد الاهانه
قلت: ( من باب الميانة ) صاحبك و تعذبينه ..
لعنبوك ارخي معاي شوي ما صارت ميانة

الحلم

اذا اهداك الزهر مرة , فانا اهديتك بساتينه
واذا الهاك بفرح ليله , فانا تهت لبكاك سنين
واذا استضعفتك املاكه و شتتك ملايينه
انا حتى فتات الخبزة اقسمها معك نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انك تطلبين الله يعنيني.. بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..

التمثال

انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطرد سراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....
------------

لعنبوك أن مت بيدك وش يفكك من أخواني ... لحزنوا ربعي علي وش اللي تستفيدة

قنوع بمظهري والسم مايذبح ثعابينه**على قول المثل صحيح ماني حلو لكن ماني شين

طموحي بس اجي واظفر بشي تستحقينه**تدينته , تسلفته , سرقته, مو مهم منين

تخونين وتبين ارضى واحد يرضى تخونينه.. انا لاجيت اخونك مع حبيبه ثانيه ترضين!!

واذا قصدك تهين اسمي عشان اتشمت العذال .. حشى لنته ولا غيرك ولا عشرة من اشكالك

ما هقيت أن الهوى عذب قلوب الرجال .. لين ضاع القلب مني وتفكيري سوى

ملعون ابو العشق دام العشق دلعها .. لاصارت البنت تامر وتنهينا

اذا عندك بعادي عيد ترى عندي جفاك أعياد..وعسى طول الجفا مني يلين قلبك الجامد

انا خايف ليا طاح الجمل تكثر سكاكينه..وانا ما عادت اضلوعي تحمل طعنة السكين

كل عاذل ردني عنك يالطرف الكحيل** ياعسى الله يقلعه يا عسى الله يقلعه
يامعرض قلب الاحباب للدرب الطويل** السعه لا بارك الله بالضيق السعه

اشـتـكيته لـلرفوف ولـلبراويز iiالـهزيله وانذعرت من النياح اللي سمعته في صورها
رحت اسولف للجبال الصم عن قصة iiرحيله مـاتركت متونها الا ينحت الدمع iiبصخرها

ولا اناقررت اسافر وامتطي ظهر السفينه***لان مابه شي واحد يستحق اقعد عشانه

يـاكبري بـعيني وانـا توني شاب..وأهم كتاب الشعر حاربوني

حتى ولو يهوي على نجمي شهاب..يكفيني إن اسمي iiكبيربعيوني
كد قال ابوي ان هبتهم قول ماهاب..ولو يقدرونك قول ماتقدروني

مشكله لا جات حاجتك بيدين البخيل..ما يفكك لين تدفع كثر ما يدفعه

والـعذاب اللي يذوب بعين من يفقد خليله عندي أكبر من عذاب العين لوتفقد نظرها
والـحبيب اللي صدوده مثل مداته iiجزيله صدعني..واعرفه لاصدعن حاجة هجرها

ليه تطعني وانا ميت بليا ؟..ماكفاك اللي حصلي قبل ساعه ii؟..
كن بين همومي وبينك حميا ..جيتكم واحد وجيتوني جماعه ii!..
انت منا والمصايب من هنيا ..كلكم ضدي ترى ماهي شجاعه !!

لا جـميل شـفت قـبله ولا بعده جميل العذارى رهن رمشه وانا رهن اصبعه..
والله انـه لـوطلبني طـلوع iiالمستحيل لاطـلعه مـني مـنا يـعني لاطلعه ii!!

مـوت فـيني وانـدفن فيك بثياب iiالحداد وان حييت اموت لرضاك واحيابك بهون ..

ان روحـوو فانا بري منهم ليوم iiالحساب وان جرحوو قولو لهم ماحركو فيني شعره
شفهم لهم حول السنه ولاخذو مني iiجواب احـسن دوا للي يحاول يستفزك تحقره ..

مـاتـقبلت الـفراق ولالـيدي فـيه iiحـيلة آه لـوان الـظروف الـمقبلة تـكشف iiقدرها
لـويعرف الشخص مناوش مع الغيب iiبيجيله كـان جـنبناالمشاكل مـن قبل يوقع ضررها
مـاهقيت الـليله الـلي جـابت الفرقا iiطويلة لين صارت ليلة امس بعيني اطول من شهرها

دايم إعرف كل شاعر يهيم بكل واد وانـهم دايـم يقولون مالا iiيفعلون

مـن يـسوي بي سواتك يالرهيف iiالاسمراني منهو من الناس غيرك غلطته ترفع رصيده !!

جـادل كن الجمال قبالها كتف iiايدينه والقمر لو شاورتله ينزح وتقعد مكانه

ابدوي ما يقود أهل الردا شد iiالاحبال يعسف اليد الشحيحه للعطا حتى اتلين

لوتحن المشاكل عقب حب الخشوم كان حبيّت خشم المشكلة iiوإستحت

غـريبة كـل حـلم يـمر بـرقادي iiتزورينه والاغرب كيف احلم الحلم وارجع واحلمة بعدين
قـبل يـومين شـفتك بـالمنام وقمت من حينه ونمت امس ورجع نفس المنام اللي قبل iiيومين

ما بقي إلا سود الايام تحرمك الرقاد كيف الاوهام إتجراء تسريك مغبون

شف غيابك وش يسوي بالصدور iiوبالمباني وانت تدري كيف كانت صدمة غيابك شديدة
والله انـك لـو وصلت البيت متأخر iiثواني مـاتشوف الا بـقايا من حصاه ومن iiحديده

الي يخاف من الظما يترك لنا طرد السرااب والـلي مـاهو بقد الظلام ووحشته iiلايسهره

في هالزمن مايملي عيون الحسود الا التراب ولا االـحظيظ الـطلقه الي ماتصيبه iiتذعره

لـو ماني ذيب .. نهشت عظمي iiذياب لو ما قدرت اثبت وجودي .. لغوني ..

حد علمي بالبكا يوم لي قلب وضمير قبل اشوف المسلم يموت بيد المسلمه

اذا استضعفتك املاكة وشتتك iiملايينه انا حتى فتات الخبزة اقسمها معك نصين !!

تمسيني على الهم وتصبحني على الغربال تقلطني فناجينك ونقصر عني iiدلالك

لا بارك الله في رفيق تزعله كلمة عتاب ولا جمع الله الرجال اللي تفرقهم مره

سطى ذيب على المرعى وسلمت بخافقن مفزوع وفدوه لويموت القطيع ويسلم iiالراعي

اذكر اني كنت عايش بالليالي iiالاولية واذكر اني وقتها كنت عايش باحضان غابة
ماعرفت الا عبارة مثلها مثل الوصية عيش عمرك ذيب تسلم من مخاليب iiالذيابة

مشكلة لا صار عاذلك ما يبرد غليل لا ترده طيب كلمه , ولا أحد iiيمنعه

تخيل من كثرماأخاف تلقى للزعل iiمدخال أخاف أخطي على طيفك وادوس برجلي ظلالك

دايم أعرف كل شاعر يهيم بكل iiواد وانهم دايم يقولون مالا iiيفعلون
حتى انا الي قلت أعشقك وما اطيق البعاد يمكن اطلع ما عشقتك ولا هم يحزنون

بلمك وانثرك واجمعك وارجع وانثرك iiبهمال بخونك وازعلك وارضيك وازعل منك وارضالك..

لا باس أنا يالغالية قلتها iiلك من قلب يخلص لك يودك iiويغليك
ياليتني كنت المنوم iiبدالك وليت المرض يابنت فيني ولا فيك

زعلك وارهن حياتي تحت رحمة زناد تهبا لا والله الا انت والموت iiتهبون

ما هقيت ان السعاده خيال في خيال تروي قلوب الحبايب وقلبي ما روى

ترى حلاتك لاحملت لصاحبك كلمة عتاب أن مانطقت بها بوجهه ماتذمه بظهره

مابغيتى أطيح بيده لين ماربي iiبلاني ولا أنا لو هي بكيفي مابغيت أطيح بيده

عقالنا معهم من العلم مقدار ومجنونا ينطح ثمنين مجنون

ارض تدوس امي بالاقدام رملها اموت فيها واندفن في iiارمالها

وش بغيت أمر تمنى لايغرك صغر iiسني شايف نجوم الثريا 00جبتها لك لو بغيت 00

أنت مثل البحر تعطي والعطا ثقل iiوتأني بس هو يعطي و يأخذ وأنت ما عمرك خذيت

علمتهم واشلون الاهداف تنصاب ولما سواعدهم قوة iiصوبوني

عاشقن والعشق بلوه واشهد ان الحال حال ولاتركتي رحمة الله ولاعرفتي iiترحمين

اذا حبك هبال اطفال لك عندي هبال iiاطفال ولا --- وابشر بعد بهبال حب ٍما هو بهبالك

لو تزيد الشوق جمرة تحولني iiرماد لو يزيد العشق شعرة بوصل للجنون

انت منت اللي عشقته انت اكييد انساان ثااني كيف صرت بهالبروود وهالاحااسيس iiالبلييده

الله العالم لو انك جيت متأخر iiثواني ماتشوف الا بقايا من حصااه ومن حديده

لوكان بقلوب العرب صبر واصرار ماكان سووا فيكم اللي iiيسوون
----------------------

كتبت الشعر مو لجلك....ولكن فااض بي بركان
واما انتي فلا تسوين قصيده في نظر عيني
حلفتي لي تصونيني اذا صار الزمن خوان
واول ماعثر حظي على دربك خذلتيني
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني !!!!
خساره كيف حبيتك ؟؟ نعم والله انا ندمان
غبي ادري!!!!نعم ادري !!!!مادام انك سكنتيني
ثلاث سنين من عمري وانا في لعبتك غرقان
اشيل الشوك من دربك وجرحي كان يدميني
وكنت ابكي اذا تبكين واكون لبسمتك فرحان
وكنت اقرب من رموشك لعينك يوم تبغيني
عرفتك للاسف صحرا وحولتك الى بستان
وشلتيني غصن اخضر وفي صخرك زرعتيني
حفرتك داخلي ظني تصوني عشرتي ازمان
وكنت احفر قبر موتي على ساحل شراييني
على كف الشقا نامت جروحي والالم سهران
يحطمني يبعثرني وفي صحراك يرميني
ولكن عزتي ترفض اكون بدنيتي سلطان
وان ظنك اجي اركع لرجلك ماعرفتيني
انا ما عادتي اشحت من امثالك رضا واحسان
اموت بعزتي ارحم ولاذلك يغطيني
وما دام الوفا عندك يدور له على عنوان
بدور لي على قلب يصون الحب وسنيني
ولو قلبي ذكر حبك بولع فيه بالنيران
وابكسرها انا رجلي اذا صوبك توديني
ولو دار الزمن ضدك وجيتي تطلبي الغفران
وجبتي الشمس في كفك لعندي مابتلقيني
تقول الناس في وصفك :جميله مثل عود البان
وانك اجمل واحلى بشر مخلوق من طيني
وانك غاليه اثمن من الياقوت والمرجان
يقوم الكون من شانك وتقعد لك بلاديني
حسافه غرهم شكلك وياما تخدع الالوان
عموما....قدبقت كلمه اخيره لك وسمعيني
اذا كنتي بنظر غيري ملاك في شكل انسان

موضوع: رد: مختارات لحامد زيد 01.09.08 12:54

thanks

موضوع: رد: مختارات لحامد زيد 01.09.08 15:04

يسلمووشن علــا المرور السريع